ایبٹ آباد یونیورسٹی آف سائنس اینڈ ٹیکنالوجی میں سٹاف اور اساتذہ کی حاضری کیلئے بائیومیٹرک مشینوں کی تنصیب کر دی گئی ، وائس چانسلر پروفیسر ڈاکٹر افتخار احمد نے گزشتہ روز ’’بائیو میٹرک اٹینڈنس ‘‘ کا باقاعدہ افتتاح کردیا، آج سے سٹاف بائیومیٹرک کے ذریعے اپنی حاضری لگائیں گے ، رجسٹرار آفس سے جاری ہونیوالے ہدایات نامہ میں ملازمین کو ہدایت دی گئی ہے وہ اپنی اپنی حاضری مقررہ وقت پر بائیومیٹرک کے ذریعے یقینی بنائیں ، حاضری نہ لگانے والے ملازم کی عدم حاضری کی صورت میں ملازم کو غیر حاضری تصور کیاجائیگا اور ایبٹ آباد یونیورسٹی ڈسپلنری ایکٹ کے تحت کاروائی عمل میں لائی جائے گی، دوسری طر ف ایبٹ آباد یونیورسٹی انتظامیہ کے بذریعہ بائیومیٹرک حاضری کے فیصلے کا ملازمین کی جانب سے خیر مقدم کیاگیا ہے ، اور کہاگیا ہے کہ اس فیصلے کے مثبت اثرات مرتب ہونگے ، وائس چانسلرپروفیسر ڈاکٹر افتخار احمد نے ملازین سے اپنی بات چیت کے دوران کہا کہ کسی بھی ادارہ کی کامیابی کی پہلی شرط نظم و ضبط اور وقت کی پابندی ہے ،، جس ادارہ کے ملازمین دیانتدار ہوں اور وقت کی قدرو اہمیت کا احساس کریں اس ادارہ کو ترقی کرنے سے کوئی نہیں روک سکتا، انہوں نے کہا کہ ایبٹ آباد یونیورسٹی میں بھی نظم و ضبط کے حوالے سے کوئی سمجھوتا نہیں کیاجائیگا، انہوں نے کہا کہ جب تک وقت کی پابندی کرنیوالے ملازمین کی حوصلہ افزائی جبکہ کام چور اور وقت کی پابندی نہ کرنیوالے ملازمین کیخلاف مجوزہ قوانین کے تحت کاروائی عمل میں لائی جائے گی