لینڈسلائیڈنگ سے تباہ حا ل روڈکسی بڑے  حادثے  اور جانی نقصان کاسبب بن سکتاہے، تفصیلات کے مطابق یونین کونسل دیوال منال کے گاؤں چہڑھ سے منال، نلوٹھہ،ہاڑی کھیتر،ڈنہ،کھن تھب،چموڑی اور کئی دیہات کو ملانے والا روڈ  لینڈ سلائیڈنگ کی وجہ سے ٹوٹ پھوٹ کا شکار ہے کسی بھی وقت کسی بڑے حادثے کا سبب بن سکتا ہے۔ایک سال سے زائد کا عرصہ گزرنے کے باوجود منتخب ممبران،ایم پی اے سردار اورنگ زیب نلوٹھہ، ایم این اے مرتضی عباسی،تحصیل ناظم ارسل پرویز،ممبر ضلع کونسل سردار مشتاق،تحصیل ممبر سردار وسیم اور اس علاقے سے منتخب ویلج کونسلر و ناظمین کی عدم توجہ سے مسئلہ حل نہ ہو سکا۔ خدارا اس جانب توجہ دیں قبل اس کے کوئی حادثہ ہو۔اس روڈ پر دن کو درجنوں مسافر گاڑیاں گزرتی ہیں آدھے سے زیادہ روڈ ٹوٹ چکا ہے کسی بھی وقت گاڑی گہری کھائی میں گر سکتی ہے جو کئی دلہنوں کے سہاگ کئی بچوں کو یتیم کئی ماوں کی گودیں اجڑنے کا سبب بن سکتی ہیں تمام منتخب ممبران اسمبلی خصوصی طور پر ایم پی اے سردار اورنگ زیب نلوٹھہ ایم این اے مرتضٰی جاوید عباسی،تحصیل ناظم سردار ارسل پرویز کو ایمرجنسی بنیاد پر فنڈز فراہم کریں