حویلیاں۔ تحصیل بار ایسوسی ایشن حویلیاں کے سالانہ انتخابات رئیس خان ایڈوکیٹ صدر،کامران یوسف جنرل سیکریٹری منتخب ہو گئے،پولنگ صبح 9بجے سے 1بجے تک جاری رہی 38وکلاء نے اپنا ووٹ کاسٹ کیا جن میں سے 22ووٹ رئیس خان نے جبکہ مدمقابل عبدالرحیم ایڈووکیٹ نے 14ووٹ حاصل کئے 2ووٹ مسترد ہوئے،صوبے بھر کی طرح تحصیل بار ایسوسی ایشن حویلیاں کے سالانہ انتخابات تحصیل بار روم میں منعقد ہوئے جس میں وکلاء کے دو پینل نے حصہ لیا ایک پینل سے صدارتی اُمیدوار عبدالرحیم ایڈووکیٹ جبکہ دوسرے پینل سے رئیس خان ایڈووکیٹ نے حصہ لیا چار گھنٹے کی پولنگ میں 38وکلاء نے اپنا حق رائے دہی استعمال کیا جن میں سے 22ووٹ لے کر رئیس خان صدر منتخب ہو گئے جنرل سیکریٹری کے لئے کامران یوسف پہلے ہی بلا مقابلہ منتخب ہو چکے ہیں اس وقع پر بار میں موجود وکلاء کی بڑی تعداد نے نومنتخب عہدیداروں کو مبارکباد پیش کی اور مٹھائی تقسیم کی گئی