حویلیاں، پٹواریوں کی ہڑتال ختم عوام نے سکھ کا سانس لیا کئی دنوں کی خواری کے بعد لوگوں کے مسائل حل ہونا شروع ہوگئے ، گزشتہ ایک ماہ کی ہڑتال نے سینکڑوں لوگوں کو پریشان کر رکھا تھا ،صوبائی حکومت نے پٹواریوں کو مسائل کے حل کی یقین دہانی کروا کر عوام کو ذہنی الجھن سے نکال دیا ۔صوبہ بھر میں جاری انجمن پٹواریان کی ہڑتال نے نظام زندگی کو مفلوج کر دیا تھا پٹوریوں کے احتجاج اور قلم چھوڑ ہڑتال سے مجبور ہو کر وزیراعلیٰ پرویز خٹک کی مداخلت اور پٹواریوں سے کامیاب مذاکرات سے ہڑتال کا خاتمہ ممکن ہوا جس سے محکمہ مال کی رونقیں بحال ہونا شروع ہو گئی اور عوام بالخصوص طالب علموں کو ڈومیسائل کے حصول میں آسانی پیدا ہوئی۔