ضلع آیبٹ آباد کی ترقی کے سب کو ساتھ کر چلیں گے ، تحصیل کونسل حویلیاں کی ٹیم سے تعاون جاری رہے گا، ڈھائی سال کی کمی کو جلد پورا کرنے کی کوشش کریں گے،ان خیالات کا اظہار ناظم اعلیٰ علی خان جدون نے نائب تحصیل ناظم حویلیاں عامر شہزاد خان کو ان کے دفتر میں مبارک باد دیتے ہوئے صحافیوں سے گفتگو کرتے ہوئے کیا۔ انہوں نے کہا کہ عدالت عالیہ نے ڈھائی سال بعد عوام کا دیا ہوامینڈیٹ واپس کر دیاہے اب ترقی کے نئے دور کا آغاز ہو گاعلی خان جدون نے کہا کہ نائب تحصیل حویلیاں عامر شہزاد خان کا انتخاب جمہوریت کی کامیابی ہے،اب ضلع اور تحصیل مل کر عوامی اعتماد پر پورا اتریں گئے انہوں نے کہا کہ جو ذمہ داری ممبران ضلع و تحصیل کونسل نے ڈالی ہے اس کو نبھانے کی پوری کوشش کریں گے
ممبر ضلع کونسل حاجی اورنگزیب خان کے بیٹے وقاص خان کی شا دی سیاسی اجتماع بن گئی ، دعوت ولیمہ میں ضلع ناظم علی خان جدون، نائب ناظم وقار نبی ،سابق ڈپٹی سپیکر سردار یعقوب ، سابق ایم پی اے نثار صفدر خان، افتخار احمد خان، نائب تحصیل ناظم عامر شہزاد خان سمیت ممبران ضلع و تحصیل کونسل ، سیاسی شخصیات اور عمائدین علاقہ کی کثیر تعداد نے شرکت کی